Денсаулық сақтау ресурстарын басқарудың ақпараттық жүйесі (СУР АЖ 2.0) — денсаулық сақтау саласындағы кадрлық ресурстарды, медициналық жабдықтарды және ұйымдық құрылымды басқару процестерін автоматтандыруға арналған жаңғыртылған мемлекеттік ақпараттық жүйе.
СУР АЖ 2.0 Қазақстан Республикасы Денсаулық сақтау министрлігінің Республикалық электрондық денсаулық сақтау орталығы тарапынан денсаулық сақтау саласын цифрландыру және елдің медициналық деректерінің бірыңғай цифрлық контурын құру міндеті шеңберінде әзірленуде.
Жобаның мақсаты — кадрлық және материалдық-техникалық ресурстар бойынша толық көріністі, оларды объективті есепке алуды, талдауды және медициналық көмекті жоспарлаудың ашықтығын қамтамасыз ететін денсаулық сақтау ресурстарын басқарудың бірыңғай цифрлық платформасын құру.

·         медициналық қызметкерлер мен денсаулық сақтау ұйымдарының бірыңғай тізілімін қалыптастыру;
·         медициналық ұйымдардың штаттық кестелерін жүргізуді автоматтандыру;
·         медициналық жабдықтар мен медициналық техниканы есепке алуды цифрландыру;
·         мемлекеттік ақпараттық жүйелермен интеграция арқылы деректерді қолмен енгізуді болдырмау;
·         ресурстарға қажеттілікті болжау және талдау жүйесін енгізу;
·         медициналық ұйымдарға мониторинг пен бақылауды қамтамасыз ету;
·         мемлекеттік ақпараттық жүйелермен интеграцияны қамтамасыз ету.

·         денсаулық сақтау кадрлық ресурстарының тізілімі;
·         штаттық кестелерді басқару;
·         медициналық техника мен жабдықтарды есепке алу;
·         ресурстарды талдау және болжау.

СУР АЖ ҚР ӘМ ЖТ МДҚ, ҚР ЕХӘҚМ АЖ, ЖББАЖ (МНВО), ҰБДҚ, ҚПжАЕАЖ, МКҚБ БДБҚ, Бірыңғай медициналық деректер қоймасы, БСА / ЭМС және ӘМСҚ ақпараттық жүйелерімен екіжақты интеграциялық өзара іс-қимылды қамтамасыз етеді. Деректер алмасу нақты уақыт режиміне жақын форматта жүзеге асырылады.

СУР АЖ 2.0 енгізу денсаулық сақтау саласының кадрлық және материалдық-техникалық ресурстары бойынша толық көрініс қалыптастыруға, деректердің бытыраңқылығын және есептік жазбалардың қайталануын болдырмауға, мәліметтерді қолмен енгізуді мемлекеттік жүйелерден автоматтандырылған түрде алумен алмастыруға, мониторинг, визуализация және аналитика құралдарын енгізуге, денсаулық сақтауды мемлекеттік қаржыландырудың ашықтығын қамтамасыз етуге, саланы басқару тиімділігін және басқарушылық шешімдердің сапасын арттыруға, сондай-ақ денсаулық сақтау ресурстары мен кадрларына қажеттіліктің объективті болжамын қалыптастыруға мүмкіндік береді.