Қазақстан Республикасы Денсаулық сақтау вице-министрі Ербол Оспанов, РЭДСО-ның бас директоры Нұршат Сарыбек және бас директордың орынбасары Серік Тоғызбай цифрлық денсаулық сақтауды дамыту және заманауи технологияларды енгізу мәселелеріне арналған жұмыс сапарымен Мәскеу қаласына барды.

Сапар аясында «СберЗдоровье» компаниясы мен «ЦНИИОИЗ» ФГБУ өкілдерімен танысу кездесулері өтті, сондай-ақ Ресей Федерациясының медициналық және бейінді ұйымдарына бару ұйымдастырылды.

Сапар барысында делегация Мәскеу қаласындағы №5 емхананың жұмыс жүйесімен, оның ішінде қолданылатын цифрлық сервистермен және медициналық процестерді ұйымдастыру тәжірибесімен танысты. Сондай-ақ Ресей Федерациясы Денсаулық сақтау министрлігінде ситуациялық орталықтың жұмыс тәжірибесі, сондай-ақ денсаулық сақтау саласындағы мониторинг пен басқару тәсілдері зерделенді.

Кездесулер медициналық көмектің сапасын арттыруға бағытталған заманауи технологиялар мен үздік тәжірибелерді енгізу бойынша тәжірибе алмасу аясында өтті.