АББ - бұл созылмалы аурулары бар диспансерлік есепте тұрған пациенттерге арналған ауруларды басқару бағдарламасы:

• Артериялық гипертензия
• Созылмалы жүрек жеткіліксіздігі
• Қант диабеті

Бағдарлама денсаулық жағдайын тұрақты бақылауда ұстауға көмектеседі.

Қазақстанда жүрек-қан тамырлары аурулары мен қант диабеті ең кең таралған аурулардың қатарында қалып отыр. Сондықтан бастапқы медициналық-санитариялық көмек жүйесінде АББ енгізілген.

Неліктен бұл маңызды?

Бағдарламаның басты мақсаты — асқыну қаупін төмендету:

• инфаркт
• инсульт
• жүрек жеткіліксіздігінің декомпенсациясы
• диабет асқынулары

Пациент өз ауруын басқаруға белсенді қатысқан кезде өмір сапасы жақсарып, ауруханаға жатқызу қаупі төмендейді.

ҚР ДСМ «Диспансерлік науқастардың электрондық тіркелімі» ақпараттық жүйесінде динамикалық бақылауда тұрған пациенттер, оның ішінде АББ қатысушылары есепке алынады.

Жүйе тексерулер мен талдау нәтижелері бойынша пациенттің жағдайындағы өзгерістерді автоматты түрде қадағалайды.

Бұл өзгерістерге дер кезінде әрекет етуге, асқыну қаупін азайтуға және ауруханаға жатқызу санын төмендетуге мүмкіндік береді.